Za’a samu gajimare da tsawa daga yau zuwa Laraba a fadin kasar nan – NiMet
Hukumar kula da yanayi ta Kasa, NiMet, ta yi hasashen cewa za’asamu gajimare da tsawa farawa daga yau zuwa Laraba a fadin kasar nan.
Sakamakon yanayi na NiMet da aka fitar jiya a Abuja ya yi hasashen cewa za’a samu hadari a ranar Litinin da tazarar lillimi a yankin Arewa tare da yiwuwar tsawa da safe a sassan Taraba da Kebbi.
A cewar hukumar, ana iya samun tsawa a sassan jihohin Borno, Jigawa, Adamawa, Bauchi, Gombe, Kaduna, Taraba, Kano, Katsina, Zamfara da kuma Kebbi da yammacin wannan rana.
Hukumar ta kuma yi hasashen tsawa da ruwan sama na tsaka-tsaki a yawancin sassan yankin a nan gaba musamman da rana. A cewar NiMet, ana sa ran samun yanayin gajimare a yankin arewa da safiyar gobe Talata.
