Hukumar samar da ayyukan yi ta kasa ta fara bayar da horo ga matasa dubu 1 da 350 a jihar Jigawa.
Jagoran hukumar na jiharnan, Malam Abubakar Jamo, ya sanar da haka a wata ganawa da kamfanin dillancin labarai na kasa a Dutse.
Abubakar Jamo yace aikin horon na watanni 3 wanda aka fara a wannan watan na Oktoba, za a gudanar da shi a karkashin shirin hukumar na koyar da sana’o’in hannu.
- Ganduje ya yi kira ga ƴan Najeriya da su ƙara haƙuri da Shugaban Ƙasa Bola Tinubu
- Kotu ta umarci a gabatar da shugaban ƙungiyar Miyetti Allah Kautal Kore, Bello Bodejo, a gabanta
- Sojin Najeriya na samun gagarumin ci gaba wajen yaki da satar man fetur a yankin Neja Delta
- Mutane da dama sun mutu bayan da wani jirgin sama ya yi hatsari a Kazakhstan
- Gwamnan Kebbi ya bada motocin shinkafa guda 3 don bukukuwan Kirsimeti da sabuwar shekara
Yayi bayanin cewa an zabo mutane 50-50 daga kowace karamar hukuma cikin kananan hukumomin jiharnan 27 domin cin gajiyar shirin.
Abubakar Jamo ya kara cewa za a bayar da horo akan gyaran mota da dinki da gyaran injinan wuta da aikin komfuta da kafinta da gyaran wayar hannu da aikin jima da aski da kuma zane-zane.
Jagoran yayi nuni da cewa za a bayar da horon ne da nufin rage zaman kashe wando tsakankanin matasa a jiharnan.
