An haifi janar Yakubu Gowon ne a garin Pankshin na Jos jahar Pilato, ranar 19 ga watan Oktoban shekarar 1934.
Janar Gowon ya yi karatunsa a garin Zariya a jahar Kaduna, inda daga bisani ya shiga aikin soji.
Ya samu horan soji a kasar Ghana da Ingila, sau biyu kuma ya yi aiki a kasar Congo a rundunar wanzar da zaman lafiya ta Najeriya a kasar.
Janar Gowon ya yi gudun hijira zuwa kasar Burtaniya, kuma an sauke shi daga mukaminsa bisa zargin sa da hannu wajen kashe wanda ya gaje shi wato janar Murtala Ramat Muhammed a shekarar 1976.
A shekarar 1981 Alhaji shehu Shagari yai masa afuwa, sannan kuma a shekarar 1987, a lokacin mulkin janar Ibrahim Badamasi Babangida akai mayar masa da mukaminsa na soji.
Janar Yakubu Gowon ya yi karatun digirinsa na 3 wato Ph.D a jami’ar Warwick a Burtaniya, ya kuma zama Farfesa a jami’ar Jos.
Mutum ne shi mai haƙuri, gaskiya da kuma riƙon amana sannan kuma jajirtacce a kan duk lamarin da ya saka a gaba.
Janar Gowon, mutum ne mai gudun duniya, wanda Alhaji Tanko Yakasai (2004), ya ruwaito cewa Janar Gowon har ya sauka daga kan kujera mafi girma a Tarayyar Nijeriya bai mallaki gida nasa na kansa ba.
Sannan kuma Farfesa kuma Emeritus a fannin Kimiyyar Siyasa, Elaigwu (1986), ya siffanta shi da cewa cikakken shugaba ne shi abin koyi, mai cike da sauƙin kai tare kuma da tsayuwa ƙyam a kan aikinsa, mai hanƙoron ganin ya ciyar da ƙasarsa da al’ummarsa gaba, mai hangen nesa har ya misalta shi a matsayin Abraham Lincoln ɗin Nijeriya.
- Gwamnan jihar Kano zai bayar da N670M domin yaki da matsalar rashin abinci mai gina jiki a jihar
- Ganduje ya yi kira ga ƴan Najeriya da su ƙara haƙuri da Shugaban Ƙasa Bola Tinubu
- Kotu ta umarci a gabatar da shugaban ƙungiyar Miyetti Allah Kautal Kore, Bello Bodejo, a gabanta
- Sojin Najeriya na samun gagarumin ci gaba wajen yaki da satar man fetur a yankin Neja Delta
- Mutane da dama sun mutu bayan da wani jirgin sama ya yi hatsari a Kazakhstan
Yakubu Gowon Janar ne shi a aikin soja, aikin da ya ɗauki shekaru 21 (1954 zuwa 1975) yana yi, sannan kuma farfesa a fannin ilimin boko. Mayaƙi a filin daga sannan kuma mai bayar da karatu a jami’a.
