Hukumar yan sanda ta kasa ta zata hada hannu da kwamatin kasa da kasa na hukumar agaji ta Red Cross da sauran hukumomin cigaba, wajen bayar da horo ga sabuwar rundunar SWAT da ta maye gurbin rundunar yan sanda ta musamman dake yaki da ayyukan fashi da makami wato SARS.
Kusan jami’ai 1,850 ne ake sa ran zasu halarci shirin bayar da horon na tsawon makonni 3, wanda za’a gudanar a makarantar baiwa yan sanda horo dake Ila Oragun a jihar Osun, da kuma ta Ende Hills dake jihar Nassarawa.
Kakakin hukumar Frank Mba, yace jami’an sabuwar rundunar ta SWAT, zasu karbi horo ne kan dokokin kiyaye dan adam da hakkokinsa, makamar jami’in dan sanda a halin rikici, kamawa da kuma tsare mai laifi da dai makamantansu.
- Gwamnan jihar Kano zai bayar da N670M domin yaki da matsalar rashin abinci mai gina jiki a jihar
- Ganduje ya yi kira ga ƴan Najeriya da su ƙara haƙuri da Shugaban Ƙasa Bola Tinubu
- Kotu ta umarci a gabatar da shugaban ƙungiyar Miyetti Allah Kautal Kore, Bello Bodejo, a gabanta
- Sojin Najeriya na samun gagarumin ci gaba wajen yaki da satar man fetur a yankin Neja Delta
- Mutane da dama sun mutu bayan da wani jirgin sama ya yi hatsari a Kazakhstan
Masu gudanar da shirin bada horon sun hadar da jami’ai daga hukumomin cigaba, kwararru a fannin tsaro da kuma yan fafutuka daga kungiyoyn fararen hula.
