Shugaban kungiyar Hijrah ta kasa ya nemi Tinubu ya fadada yaki da cin hanci da rashawa

Shugaban kungiyar Hijrah ta kasa, Farfesa Lanre Yusuf Badmas, ya yi kira ga shugaban kasa Bola Tinubu da ya fadada yaki da cin hanci da rashawa ga sauran ma’aikatu da ministocin da watakila ba su koyi darasi daga labarin Betta Edu ba.

Ya ce kiran ya zama wajibi domin har yanzu wasu ministoci da wadanda aka nada na iya ganin nadin nasu kamar yadda aka saba duk da abin da ya faru da ministar jin kai da rage radadin talauci da aka dakatar.

Badmas, farfesa a fannin ilimin addinin Islama, wanda ya bayyana hakan a karshen mako a Ilọrin, ya lura da cewa tsawaita bincike a kan wadanda aka nada a gwamnati da kuma wadanda ke kallon kudaden jama’a a matsayin ganima. Ya kara da cewa, abin takaici ne yadda kasar nan ta ci gaba da fuskantar koma baya a tsawon shekaru, sakamakon yadda jami’an gwamnati ke yiwa mukamai kallon hanyar da za su arzuta kansu a cikin halin da talakawa ke ciki.