Reshen jihar Jigawa na hukumar jami’an tsaron na Civil Defense yace ya kwato kudi sama da Naira miliyan 9 da dubu 700 na basussuka a jiharnan cikin watanni 6 da suka gabata.
Kakakin rundunar, Adamu Abdullahi, ya sanar da haka cikin wata sanarwa a Dutse.
Adamu Abdullahi yace an karbo kudaden biyo bayan korafe-korafe da hukumar ta karba daga wanda suka bayar da bashin.
- An sace wasu mata biyu malaman coci a jihar Anambra
- Gwamnatin jihar Jigawa na ci gaba da biyan hakkokin wadanda sukayi ritaya
- An nada Farfesa Abubakar Jika Jiddere a matsayin kakakin kungiyar dattawan Arewa
- Wadanda ke rike da akalar gwamnatin Tinubu sun fi na Buhari haɗari – Solomon Dalung
- An kashe sojin Najeriya 6 a jihar Borno
Yayi bayanin cewa basussukan da aka karbo na daga cikin korafe-korafe 114 na fararen hula da hukumar ta yi aiki akai tsakanin watan Janairu zuwa Yunin bana.
Kakakin yayi nuni da cewa yawan korafe-korafe da basussukan da aka karbo cikin watannin sun ragu sosai idan aka kwatanta da na baya.
