Hukumar lafiya ta duniya ta yi tsokaci kan karuwar kamuwa da cutar tarin fuka a jihar Borno
Shugaban Ofishin Jakadancin hukumar na kasa, Dokta Walter Mulombo, ya bayyana damuwa a lokacin da ake gudanar da ayyukan haɗin gwiwa na ƙarshe na hukumar WHO karo na 13 a arewa maso gabashin Najeriya.
Kamfanin Dillancin Labaran Najeriya ya bayar da rahoton cewa, an yi bitar ne a jihohin Borno da Adamawa da kuma Yobe, wadanda rikicin Boko Haram ya shafa.
Wakilin na WHO ya bayyana shirinsa na hada kai da gwamnatin jihar Borno domin magance matsalar.
Mulombo ya ce yawan kamuwa da cutar tarin fuka a Borno abin ne mai ban tsoro. Hakan na nufin cewa jihar Borno za ta iya zama wani wuri mai kama da cibiyar bazuwar tarin fuka a fadin Najeriya.
