Wata sanarwa da babban daraktan hukumar wayar da kan jama’a ta kasa (NOA), Mallam Lanre Issa-Onilu ya fitar a yau Laraba, ta ce neman izini ya zama dole don kaucewa yin mummunar fassara.
Ya kuma sanar da cewa, za a gudanar da taron manema labarai a dukkan jihohin kasar domin fara gangamin wayar da kan jama’a kan sabbin manufofin hukumar.
Sai dai bai bayyana hanyar da ya kamata a nemi izini ba kafin a rera waƙar.
A wani bangare na sanarwar Shugaban hukumar ya jaddada cewa dole ne a nemi izini daga hukumar kafin a yi amfani da taken kasa don kaucewa bata labari.
Ya yi gargadin cewa Najeriya ba za ta iya tafiya ba tare da shiga tsakani da kuma bin wadannan dabi’u ba.
Shugaba Tinubu a bikin cikar ofishinsa na farko ya rattaba hannu a kan kudirin maido da tsohuwar taken Najeriya da gwamnatin soja ta yi watsi da ita a shekarar 1978.
