Kwamitin duban wata na kasa a karkashin majalisar koli ta harkokin addinin Islama a Najeriya yace ba a samu rahoton ganin sabon watan Muharram ba, na shekarar 1442 bayan hijrah.
Hakan na nufin cewa yau, Alhamis ita ce ranar talatin ga watan Dhul-Hijjah, shekara ta 1442 bayan hijrah, yayin da gobe Juma’a zata zamo daya ga watan Muharamm, a sabuwar shekarar musulunci ta 1442 bayan hijrah.
- Hisba ta kai samame wasu gidajen sayar da barasa uku a jihar Jigawa
- Aƙalla mutane uku ne suka rasu a wani sabon rikicin manoma da makiyaya a Jihar Nasarawa
- Jam’iyyar PDP ta sanar da ɗage babban taron shugabaninta na ƙasa
- Ƙungiyar Tuntuɓa ta Dattawan Arewa ta dakatar da shugaban majalisar ƙolinta
- Za’a dauki matakin kafa ‘yan sandan jihohi a Najeriya
Wani mamba a kwamitin na duban watan na kasa, Sheikh Salihu Muhammad Yakubu, ya shaidawa manema labarai hakan, jiya da dare.
An bayar da rahoton cewa Farfesa Sambo Wali Junaidu, Wazirin Sokoto, kuma shugaban kwamitin shura kan harkokin addini a majalisar mai alfarma sarkin musulmi a Sokoto, cikin wata sanarwa a ranar Litinin, yace jiya Laraba ce ranar da za a fara duban sabon watan Muharram, shekara ta 1442 Bayan Hijrah.
