Tawagar ‘yanwasan ƙwallon ƙafa ta Kano Pillars ta yi hatsari a kan hanyarsu ta zuwa birnin Jos na jihar Filato.
Ƙungiyar ta ‘yan ƙasa da shekara 19 ta tafi Jos ne domin buga wasan mako na biyar da Plateau U-19 a gasar matasa.
“‘Yanwasa da yawa da kuma direban motar sun ji raunuka a hatsarin kuma nan take aka kai su asibiti,” a cewar wani saƙo da ƙiungiyar ta wallafa a shafinta na X.
Ta ƙara da cewa “cikin sa’a babu wanda ya rasu kuma tawagar likitoci na ci gaba da saka ido”.
- BBC Hausa