Shugaban Kasa Muhammadu Buhari ya tabbatarwa da yan Najeriya da kasashen duniya cewa gwamnatinsa za tayi amfani da sauran shekarun da suka rage mata wajen inganta samun ilimi mai nagarta da kiwon lafiya da kuma habaka kasuwanci.
Shugaban kasar, wanda ya karbi takardun kama aiki daga jakadun kasashe takwas a fadar shugaban kasa, yace ana kokarin tabbatar da matsayin Najeriya na kasar da ake san zuwa domin zuba a jari, da ribar da ake samu a kowane bangare, musamman yawan masu sayayya da tsarin biyan haraji mai sauki, wanda masu zuba jari daga kasashe daban-daban za su ci gajiya.
- Gwamnan jihar Kano zai bayar da N670M domin yaki da matsalar rashin abinci mai gina jiki a jihar
- Ganduje ya yi kira ga ƴan Najeriya da su ƙara haƙuri da Shugaban Ƙasa Bola Tinubu
- Kotu ta umarci a gabatar da shugaban ƙungiyar Miyetti Allah Kautal Kore, Bello Bodejo, a gabanta
- Sojin Najeriya na samun gagarumin ci gaba wajen yaki da satar man fetur a yankin Neja Delta
- Mutane da dama sun mutu bayan da wani jirgin sama ya yi hatsari a Kazakhstan
Jakadun kasashen da suka mika takardun kama aikinsu sune na kasashen Algeria da Vietnam da Tanzaniya da Ivory Coast da Chadi da Somaliya da Jamhuriyar Larabawa ta Sahrawi da kuma Iran.
Shugaban kasar ya gayawa jakadun abubuwan da Najeriya tafi mayar da hankali akai, da kuma bukatar tabbatar da kudirorin da mutane zasu amfana.