Gwamnan jihar Jigawa Muhammad Badaru Abubakar, ya soke gudanar da bukuwan sallah babba dake tafe, tare da haramtawa sarakunan jihar 5 gudanar da hawa.
Gwamnan ya bayar da umarnin ne, yayin ganawa da yan Jaridu a Dutse, babban birnin jihar, inda yace hakan nada alaka da kokarin gwamnatin jihar, na cigaba da yakar annobar alakakai ta corona.
Tare da bayyana shafe sama da wata guda ba tare da samun mai dauke da cutar a jihar ba, a matsayin nasara.
- An tara kudaden shiga sama da ₦15,000,000 a karamar hukumar Kafin Hausa
- Jirgi mai saukar Ungulu na farko da aka haɗa a Najeriya ya kusa kammaluwa
- NAFDAC ta ce ta karbe wasu magungunan da USAID take bayarwa a matsayin tallafi
- Akalla mutane bakwai ne suka rasa rayukan su a jihar Borno
- A yau Alhamis ne ake sa ran za a ci gaba da sauraron ra’ayin jama’a kan batun ƙudurin haraji da shugaban Najeriya ya aike wa majalisun dokokin ƙasar
Yace duk da irin nasarori da aka samu a yaki da annobar, gwamnati ba zatayi kasa a gwiwa ba, wajen cigaba da daukar matakan dakile cutar.
Ya kuma ce tuni manyan tireloli kimanin 110 cikin guda 150 suka iso makare da kayayyakin abinci jihar, inda aka aike da kowacce tirela daya, ga masu amfana kai tsaye.
Ya bada tabbacin cewa, rabon kayan abincin ya wakana a dukkanin mazabun jihar 287, dake kananan hukumomin jihar 27.
Sannan ya bukaci jama’a da su kwantar da hankulansu, kasancewar karin kayayyakin jin kan na tafe.