Ƙarin mutum 40 ne suka kamu da cutar korona ranar jiya Juma’a, a cewar hukumar NCDC mai yaƙi da cutuka masu yaɗuwa a ƙasar Najeriya.
Mutanen sun fito ne daga jiha huɗu. Sai dai babu wanda ya rasa ransa sakamakon cutar kamar yadda hukumar suka bayyana.
Jihohin su ne: Legas (36), Rivers (2), Gombe (1), Kano (1).
Ya zuwa yanzu, jumillar mutum 167,732 ne suka harbu da cutar a Najeriya, yayin da 2,121 suka mutu a sanadiyyar cutar. Har yanzu dai wasu kasashen da dama na fama da cutar.