Gwamnan Jihar Filato ya rantsar da zaɓaɓɓun shugabanni ƙananan hukumomin jihar Filato 15 a cikin 17 da ake da su a jihar.
Gwamnan Jihar Filato Barista Caleb Mufwang ya rantsar da zaɓaɓɓun shugabanni ƙananan hukumomin jihar Filato 15 a cikin 17 da ake da su a jihar a daren jiya Alhamis a gidan gwamnatin jihar dake garin Jos.
Da yake jawabi a wajen rantsuwar Gwamna Caleb ya taya sababbin shugabannin murnar nasarar zaɓen da suka samu.
Ya yaba wa hukumar zaɓen jihar kan yadda ta gudanar da zaɓen a kan gaskiya da adalci. Don haka, ya yi alqawarin baiwa zaɓaɓɓun shugabanni cikakken goyon baya da hadin kai wajen gudanar da ayyukan su.