Gwamna Abdulrahman Abdulrazaq na jihar Kwara ya zama sabon shugaban kungiyar gwamnonin Najeriya.
Ya maye gurbin gwamnan jihar Sokoto, Aminu Waziri Tambuwal wanda wa’adin mulkinsa zai zo karshe a ranar 29 ga watan Mayu.
Hakan na kunshe ne a cikin wata sanarwar da Aminu Tambuwal ya sanyawa hannu a karshen taron gaggawa na gwamnonin jihohi karo na 7 da suka gudanar jiya da dare a Abuja. A cewar sanarwar, Abdulrahman Abdulrazaq ya zama shugaba ne ta hanyar sulhu yayin da aka zabi gwamnan jihar Oyo, Seyi Makinde, a matsayin mataimakin shugaban kungiyar.