Fursunoni Sun Rabauta da Yanci A Kano Albarkacin Korona A Kano

Gwamnan Jihar Kano Dakta Abdullahi Umar Ganduje, ya saki fursunoni 293 wanda suke tsare a gidajen gyaran Da’a a jihar ta Kano.

Sakin nasu yazo ne bayan umarnin da gwamnatin tarayya ta bawa Jihohi, kan su rage Cunkoso a gidajen gyaran da’ar, saboda annobar Coronavirus.

• An sace wasu mata biyu malaman coci a jihar Anambra
• Gwamnatin jihar Jigawa na ci gaba da biyan hakkokin wadanda sukayi ritaya
• An nada Farfesa Abubakar Jika Jiddere a matsayin kakakin kungiyar dattawan Arewa
• Wadanda ke rike da akalar gwamnatin Tinubu sun fi na Buhari haɗari – Solomon Dalung
• An kashe sojin Najeriya 6 a jihar Borno

Mai magana da yawun Rundunar hukumar Gyaran Da’ar na Jihar Kano DSC Musbahu Lawan Nassarawa, shine ya tabbatar da sakin Fursunonin cikin wata sanarwa da aka rabawa manema labarai.

DSC Lawan, ya bayyana cewa gwamnan Jihar ta Kano ya biya kudi kimanin Naira Miliyan 12 ga Fursunonin tare da basu naira dubu 5 domin suyi kudin Mota zuwa gida.

Kazalika ya bukaci Fursunonin da aka saka su kasance masu canza halaiyar su, saboda damar da aka basu na zama mutanen kirki.