Fitattun Shirye-Shiryen Sawaba Dake Burge Masu Saurare

Bayan fara yada shirye-shiryen Gidan Radio Sawaba, Mutane da dama sun nuna sha’awarsu tare da fatan alheri ga kafar sadarwar sakamakon farin jinin da ta samu cikin lokaci kadan a dalilin managartan shirye-shiryen da take gabatarwa. Daga cikin Shirye-shiryen da masu sauraren ke zumudinji sun hadar da;

Nazaune- Shiri ne da ya shafi labaran abubuwan ban al’ajabi, ban mamaki, ban haushi da kuma ban dariya.

Duniya mata- Shiri ne na musamman akan al’amuran da suka shafi zamantakewar rayuwar mata da irin kalubalen da suke fuskanta a gidajen aurensu da hanyoyin da za a bi domin magance matsalar.

Haka nan shirin ya kan haskaka rayuwar wasu daga cikin matan da suka yi fice a harkokin rayuwarmu ta  yau da kullum.

Turmin danya- Shiri ne da ke ba wa ‘yan siyasa damar bajekolin ra’ayoyinsu karkashin sahi na 39 na kundin tsarin mulkin kasa na fadin albarkacin baki ya bada dama.

Mu Zagaya Duniya – Shiri ne dake Hawa Jirgi Tare da mau saurare domin zagaya wa da su kasashen duniya dake nahiyoyi daban-daban a Duniya domin gano yadda suke tafiyar da zaman takewar rayuwarsa.

Labarun Duniya- Mukan kawowa masu saurare Labarun da suka shafi Jihar Jigawa, Arewa Maso Yammacin tare da labarun sauran sassan Kasa baki daya. Hakan ta sanya jama’a ke mararin sauraren labarun Sawaba a koda yaushe.

Sawaba FM na cigaba da zage damtse don kawo muku shirye-shiryen da zasu Nishadantar da ku gami da Fadakarwa a Koda Yaushe.

Haka Zalika Muna maraba da shawarwarinku masu bibiyarmu domin don ku muke shirye-shiryenmu.