A kalla Daliban Makaranta dubu 600,000 ne zasu shiga cikin tsarin gwamnatin tarayya na ciyar da Yara yan Makaranta a jihar Jigawa.
Ministar Ma’aikatar Hajiya Sadiya Umar Farouk, ita ce ta bayyana hakan a lokacin da take kaddamar da aikin tattara bayanan daliban da za’a saka cikin shirin a Makarantun Fagoji da Shuwarin.
Ministar wanda Mataimakin Daraktan Ma’aikatar Badayi Mukthar, ya wakilta, ya bayyana cewa an kirkiri shirin ne domin a rika ciyar da daliban makarantun Aji 1 zuwa 3 na Firamare su kimanin dubu 641,295 daga kananan hukumomi 27 da suke jihar Jigawa.
Mista Badayi, ya ce aikin rijistar sabbin daliban zai dauko bayanan daliban Firamare dubu 2,211 a makarantun da suke jihar nan.
Haka kuma ya ce kimanin Mata dubu 5,024 ne aka dauka domin su rika yin aikin girkin abincin a jihar Jigawa.
Kazalika, ya ce an kirkiri shirin ne domin ya kara yawan adadin Yaran da suke zuwa Makaranta, tare da samar da abinyi ga Matan da suke girka abincin.