A jiya ne Gwamna Umar Namadi ya rantsar da ‘yar shekara 34 mai suna Nilfa Gambo a matsayin alkalin babbar kotun jihar.
An rantsar da Nilfa Gambo ne a zauren majalisar da ke gidan gwamnati, tare da Muhammad Usman a matsayin alkalan babbar kotu.
Da yake jawabi bayan rantsarwar, gwamna Namadi ya ce duk nade-naden an yi su ne bisa cancanta, ya kara da cewa sabbin wadanda aka nada sun sanya jihar alfahari da yadda suka yi fice a yayin da ake tantance su.
Gwamnan ya taya sabbin alkalan murna tare da umartar su da su yi aiki da himma da tsoron Allah.