Ministan albarkatun ruwa da tsaftar mahalli, Joseph Utsev, a jiya Juma’a ya yi gargadi kan yiwuwar ambaliyar ruwa a kogin Neja da Benue.
A wani taron manema labarai da ministan ya yi a Abuja, ya ce ruwa mai yawa na kwarara ta wadannan kogunan zuwa yankin Neja Delta.
Ya kuma yi kira da ayi taka tsan-tsan ta kowane fanni da kuma daukar matakan da suka dace don tunkarar duk wata matsalar ambaliya a yankin kudancin kasar nan.
Ya kuma jaddada bukatar shirye-shiryen magance matsalar ambaliya a yankin kudancin kasar nan.