Hukumomi a kasar Afrika ta Kudu sun ce adadin wadanda suka mutu sanadiyyar wani gini da ya ruguje a yau Litinin a birnin George da ke kudancin ƙasar sun kai 24.
Har yanzu kuma ana ci gaba da kokarin ceto tare da kwaso gawarwakin wasu mutane 28 da suka makale a karkashin baraguzan ginin.
Mutane 81 ne ke cikin ginin mai hawa biyar a lokacin da ya ruguje.
Daga cikin su mutane 29 ne da suka tsira, 13 na kwance a asibiti.
Ana dai binciken musabbabin rugujewar ginin.
